التصوير في صالات الافراح

السلام عليكم

في
هذه السنة لاحظنا ظاهرة سيئة جداً بدأت عندنا في بلدنا الحبيب وهي تصوير
البنات في صالات الأفراح وهم يرقصوا وخاصة اللي من غير مايعلمن وهذا
العمل يقوم به بنات" هذا يالي واجعني ان البنات يالي يصورن فيهم "
والمشكلة تبدا بعد التصوير يبعتوا فيهم بالبلوتوث وحدة تبعث لخوهاا ووحدة
لصديقها ومن واحد لواحد ينتشر طبعاً وزي مانحنا عارفين حتى وإنت ماشي في
الشارع تلقى حد يقولك أفتح بلوتوثك ، ومع إنه فيه كثير من العائلات كتبوا
في بطاقة الدعوة (الرجاء عدم التصوير بالهاتف النقال) إلا إنه بعض الناس
مايفهموش.
" للاسف الشديد ...ف ناس قتلو خواتهم هما ماليهمش ذنب ومايعرفو حتى شن يالي
صاير ....والمصيبه العار يالي حطينه ف الليوتوب بنات والله كويسين "بااااااين عليهم مش متوقعين يالي حيصير" " الله لا يسمحهم يالي يديرو هكي ويوم الحق يتخد كل شئ

ويلي زاد الطين بلة شركة ليبيانا بشفرات الجيل التالت يلي وإنت تتكلم تفتح الكاميرا وتخلي يلي يكلم فيك يتفرج علي كل شي بجنبك ومن يومين كان عند صاحبتي فرح صديقتها وكلمتني وحكتلي قالت كان فيه بنت في الصالة اتكلم بالموبايل وإكتشفتها مشرفة الصالة وخدت منها
الموبايل تخيلوا كانت اتكلم مع راجل وفاتحه الكاميرا وهو يتفرج علي العرس
والبنات داخل الصالة . لا حول ولا قوة الا بالله

وفيه كثير من الشباب يفرحوا يلي يحصلوا مقطع بلوتوت من هالنوع نبي نقول يابنات إتقوا
الله فيلي تصوروا فيهم بنات زيكم زيهم وياشباب كذلك إتقوا الله ويلي يوصله
مثل هذا المقطع يحذفه من جهازه ويعتبر إنه البنت يلي في هذا المقطع هي
أخته أو وحدة من عيلته
يقول تعالى (( إن الذين يحبون أن تشيع الفاحشه في الذين أمنوا لعنوا في الدنيا و الأخره و لهم عذاب عظيم))
و أظن أن كل من يصر و يحمل على نقاله و يرسل بالبلوتوث مثل هذه المقاطع ممن يحب أن تشيع الفاحشه و العياذ بالله .

لكن المفروض حتى النساء يأخذن حذرهن في هذا الموضوع لأن اللي يتقي الله في مثل هذا الوقت قليل ....

ونبي نحكيلكم ع قصه بجد من الوقع وحكاهالي ولد عمتي المهم
ف
مره قال لمين نحنا الشباب ع شوكه واحد من الاصحاب ورانا مقطع فيديو "كيف ماتعرفو كلهم دكو راسهم ف هالشاشه الجهاز جو عرس وبنات
ترقص " مشا واحد من الشباب يعرفها البنت وقللهم ياشباب امسحو هدي اخت فلاني
الفلان مابوش يعدلو لانهم مايعرفو المهم ع خشته هو اخ لبنت قلوله تعال تعال شوف هو الراجل صاحبه مايبي يشوف .....بعد ماشاف الولد قعد الواااااااان .وعد بدون ما يقول ولا يتكلم ومشا للحوش..انتم تعرفو عاد البنات كيف يلبسو ف الافراح هو
المكان الوحيد البنت تقدر تلبس وتمكيج فيه ...المهم من غير
ولا كلمه وروح .....وقالي مش عارف شن صار ف البنت....شن تتوقعو صار فيها
......

فما رأيكم في هذا الموضوع ، وهل وصلتكم مثل هذه المقاطع أرجوا الصراحة التامه في هذا الموضوع والمناقشة الجدية أيضاً
(من ستر علي مؤمن في الارض ستر الله عليه يوم القيامه)

والسلام عليكم ورحمة الله وبركاته

السلام عليكم...
اثابك الله خيرا... اختي على هذا الموضوع الجرئ..
وبالنسبة لرأي الشخصي.. احمل الذنب وكل الذنب للعنصر النسائي...
لأن المفروض الفتاة تحتشم في اللبس.. "لا صالة لا كلنا بنات, لا الكلام متاع عيت حنة"
ماحد يشوف فينا والجو هذا.. من اللحظة التي خرجتي من المنزل يجب عليك الإلتزام بـ اللبسة الإسلامية...
لأن العورة ليست بين النساء والرجال فقط.. بل ايضا بين النساء هناك عورة..
يعني شنو فيها لو جت البنت لابسة جلباب.. او فستان يواري العورة...
والله لا يبي ينقص منها.. ولا لبسها الفاضح يبي يزيدها.. والبنت يجب ان ترضي ربها.. ولا تفكر بآراء العباد..
اما بالرقص.. فهو ليس بعادتنا.. او تقاليدنا.. وهنا اقصد :المسلمين:...
فأنا ارفض الرقص في المنزل فما بالك في الصالة...
اختي المؤمنة صوني نفسك...
ولكي لا اظلم البنات فقط.. فالشباب ايضا مشاركون في هذا, فكما تفضلتي, لو ان كل شخص يصل اليه احد المقاطع
اتقى الله وقام بحذفه, لما وصل الحال الى هذا...
ربما اطلت عليكم ولكن موضوع "قاهرني" من زمان...
وفي الآخير البنت ليس لها الا عفتها..

جزاك الله خيرا.. وبارك الله فيك... وان شاء الله في ميزان حسناتك...
اخوكي
الـــــــــــشلـــــــــوي

مكشور اخي الشلوي بارك الله فيك

اما بالنسبه عن لباس البنت في صالات الافراح (في وقتنا الحاضر تما زي المنافسه من تلبس احسن وتقلد فنانه هذي وكذا )

وانا نحط اللوم علي الام والاب وكذللك الاخ

لان بنت تشوف فلانه لابسا تقلد بدون كلام
مفروض كل ام تكون حريصه علي بنتها وعلي اخلاقها وادابها

وكذللك الاب والاخ

يهدي الله من يشاء

اسعدني مرورك اخي الشلوي

أختي مشكور جدا علي طرح الموضوع وفعلا مشكلة كبيرة جداً ( الصالات الافراح) وخصوصاً بعض البنات يحبوها لسبب هوا الظهور بملابس شبه عارية ( تعرض في روحها للزواج بطريقة حقيرة) وتقوم بجولات داخل هذه الصالات بالرقص وحركات خفيفة جداً ومع هذا وهي نفسها عارفة بإنها في خطر يهدد فيها بإستعمال النقال والفيديو في تصوريها ونشرها ،، ولكن لجهلها وقلة وعيها وبعدها عن الدين وكذلك هروب الوالدين من متابعة أبنائهم وسعيهم لآغراضهم الشخصية فقط
وبارك الله فيك على وعيك لأمور كيف هذني
أخوك محمد فتح الله .

محمد فتح الله كتب:: أختي مشكور جدا علي طرح الموضوع وفعلا مشكلة كبيرة جداً ( الصالات الافراح) وخصوصاً بعض البنات يحبوها لسبب هوا الظهور بملابس شبه عارية ( تعرض في روحها للزواج بطريقة حقيرة) وتقوم بجولات داخل هذه الصالات بالرقص وحركات خفيفة جداً ومع هذا وهي نفسها عارفة بإنها في خطر يهدد فيها بإستعمال النقال والفيديو في تصوريها ونشرها ،، ولكن لجهلها وقلة وعيها وبعدها عن الدين وكذلك هروب الوالدين من متابعة أبنائهم وسعيهم لآغراضهم الشخصية فقط
وبارك الله فيك على وعيك لأمور كيف هذني
أخوك محمد فتح الله .

بارك الله فيك اخي
وانا معاك في الكلام الي طرحتا لنا

تقبل مروري

اختي العزيزة ،،،،،،

طرح رائع وجميل وغاية في الاهمية ، وهذا موضوع فعلا لا يجب الاستهانة به

للاسف انتشرت هذه الظاهرة في بلدنا ،،،، ولم نجد حتى الان من يضع لها حداً ويوقفها بالرغم من كل

المشاكل التي تحملها في طياتها ،،،،،

وللاسف وللاسف نحن انفس آمارة بالسوء ..... فكل نعمة انعم الله علينا بها حولناها الى نقمة ..... ابتداءا من البلوتوث و

الهاتف المحمول والتى اعتبره افضل ما اخترع الانسان ، والله يا اختي ليس اللوم على الجيل الثالث او على ليبيانا بل نحن السبب

فما وجد الجيل الثالث لهكذا استعمال ،،،،،

كل يوم جمعة خطباء المساجد يحكوا على هذه المشكلة ....... لكن لا حياة لمن تنادي

اللهم اهدينا واهدي شباب المسلمين واصلح حالنا لما تحبه وترضاه ......

مشكورة يا اختي على هذا الطرح ..... ولعنا يوما نجد حلاً

اللهم اهدينا واهدي شباب المسلمين واصلح حالنا لما تحبه وترضاه

بارك الله فيك اخي

ويهدى الله من يشاء

اللمهم رحمتك ارجوك

امعاكي حق

موضوع يستحق النقاش

ونحنا في المدرسه عارفين ونشوفو في البنات كيف يدزن لعضهن وكان تذكري موقف الي في فصلنا البنت الي كبسو معاها موبايل وفي مقطاع فيديو كلهن بنات

ودايرا الموبايل بدون علم هلها

اقتباس :: وبالنسبة لرأي الشخصي.. احمل الذنب وكل الذنب
للعنصر النسائي...
لأن المفروض الفتاة تحتشم في اللبس.. "لا صالة لا
كلنا بنات, لا الكلام متاع عيت حنة"
ماحد يشوف فينا والجو هذا.. من
اللحظة التي خرجتي من المنزل يجب عليك الإلتزام بـ اللبسة الإسلامية...
لأن
العورة ليست بين النساء والرجال فقط.. بل ايضا بين النساء هناك عورة..
يعني
شنو فيها لو جت البنت لابسة جلباب.. او فستان يواري العورة...
والله لا
يبي ينقص منها.. ولا لبسها الفاضح يبي يزيدها.. والبنت يجب ان ترضي ربها..
ولا تفكر بآراء العباد..
اما بالرقص.. فهو ليس بعادتنا.. او تقاليدنا..
وهنا اقصد :المسلمين:...
فأنا ارفض الرقص في المنزل فما بالك في
الصالة...
اختي المؤمنة صوني نفسك...

اي نعم يا دلوعه

من ستر الله علي مؤمن في الارض ستر الله عليه يوم القيامه

مشكوره اختي

مشكور الفاروق

اشارك اغلبية الاخوة الاعزاء ف الرد

الله يهدي ويستر

عارف الشعب الليبي

يبي شرطة نسائية قدام كل صالة

ويقعدو ايفتشووو اللى معاه نقال ياخذووه

.؟

مشكرو امير بارك الله فيك

اكيد الموبيل سلاح ذو حدين
وربك يستر ويهدي