السلام عليكم اخوتي وخواتي اعضاء منتدانا الحبيب
صراحتا مش عارفة كيف نبدأ الموضوع لاني لحد الان مش قادرة نصدق اللي شفته واللي قريته منطولش عليكم
دخلت لاحدى المنتديات نقرى في المواضيع اللي فيه فلقيت موضوع واحد كاتب قاطعو ال facebook وناقل رابط
ولما خشيت وقريت الموضوع تفاجئت بالفاجعة مصيبة والله مصيبة وبالفعل هذا اخر الدنيا
عضو في facebook مسمي نفسه الله وياريت هكي بس محرف القران الكريم وكاتب كلام بذيء على رسولنا الحبيب (اعوذ بالله ) ومش هكي بس فيه واحد ثاني مسمي نفسه بأسم رسولنا الحبيب وكاتب كلام بأسمه
وانا محبيتش ننقل ليكم الرابط لاني محبيتش نساهم في انتشار الكلام البذيء ومنبيش ناخد ذنب اني ساهمت في انتشاره
انا شخصيا ضدfacebook ونتمنى من الكل يقاطعوه واللي يزيد المصيبة ان هذا الكافر واضح انه على دراية تامة بالقران الكريم لانه كاتب اكثر من اية ومحرفها تخيلو اخوتي المسلمين وين وصل الكفر
اتمنى نكون وصلتلك ولو جزء بسيط من هول الكارثة بل الطامة اللي صايرة
وسامحوني لاني كتبت بالعامية لاني مش عارفة حتى كيف نوصللكم حجم المشكلة
والسلام عليكم ورحمة الله وبركاته
الأحد مارس 14, 2010 11:22 pm
