الفرق بين الزوجة الليبية والزوجة السورية

الفرق بين الزوجة الليبية والزوجة السورية
اذا وقع زوجها على الدروج
السوريه : ولي على آمتي ، سلامتك حبيبي إن شاء الله أنا ولا إنت ابن عمي . ( ميتة من الخوف عليه )
الليبيه : شنو خير .. طيح سعدك .. دخت ؟ تستـــــــاهل كنك تمشي زي الأعمى وما تشوفش في اللي قدامك .
الزوج يعتزم السفر في مهمة عمل :
السوريه : إنتبه لنفسك إبن عمي ، جهزتلك الشنطة ، كتّر خيرك على الأغراض اللي اشتريتها ، بيكفوا سنة ، الله لا يحرمنا من دخلتك علينا ، ، تروح وترجع بألف سلامة .
الليبية : ( أسبوع خلقتها مبرومه قبل السفر) ، وكل شوية دموع، وأمتى تبي تروّح؟ ومع منو ماشي ؟ ووعليش ماتخذنيش معاك ؟ بيش تلصص عالبنات !! إحلفلي إنك ما تعفس مكانات فيها بِِنات ! ما تتأخرش ، ينقصنا شي وانت مسافر ما نلقوشمن اندزو. وكل يوم تتصل بالتلفون باش تشوف أنت وين مفرهد؟ وأنا وين حاصلة في الهم اللي خليتني فيه ، وباش نحكيلك عالولد ، وبنتك اللي امدايرة مافي راسها . ( هوايتها نكد )

عند العودة من السفر :

السورية : ( تذهب للمطار لإستقباله ومعها وردة ) والله إشتأتلّك حبيبي ، كأنك غبت عني 100 عام ، والله الحياة من غيرك مالها طعمة تؤبرني حياتي .

الليبية : (قاعدة في حوش بوها ترجىفيه) ، وأول ما تشوفه تنوض زي المدفع ، مش قلت أمس تبي تروّح عليش زدت يوم ؟ وجبت الحاجات اللي قلتلك عليهم أنا وأمي وإلا جاي تهز في كتافك .
إذا الزوج تأخر بَرّه فى شغل أو مع صديق:
السورية : شو إبن عمي ! غِلي ألبي عليك تؤبشني يا روحي وكثير شغلتلي بالي، ، إن شاء الله إنبسطت ؟

الليبية : شرّفت يا أفندي !! وين كنت لاوي راسك؟ ماهو أنا خدامة في الحوش ، طول النهار نكنس و نمسح !! وإنت اتذوح مامخلّي مُطراح ، مع منو من أصحابك كنت تنسرف ؟ شنو جبتلنا معاك ؟ وإلا جاي تصفق في يديك !! ، باهي اللي عرفت أن ليك حوش وعيلة وروحت .
إذا طلبت شئ منه :
السورية : إبن عمي تؤبشني تؤبر ألبي ( كله تؤبــر) حبيب ألْبي فيك تجيبلنا شي حلو من ديّاتك الحلوة ، وعلى زوئك شو بعشق زوئك يا مِزوئ ياحياتي.
الليبية : أغلط مرة في حياتك وجيبلنا حاجه معاك ... بكلاوة وإلا بسبوسة ، نبي حاجه نحللي بيها ريقي اللي أمرّ من هالعيشة اللي معاك (

إذا جابلها هدية :
السورية : يسلّملي إياك ابن عمي حبيب ألبي ، يااااااي شو بتجنن عنجد عنجد زوئك بيعئد ، تؤبشني بتجنننننننننن الله لايحرمني منك يا عمري
الليبية : والله غاب وجاب، وشوف شن جاب الغراب لأمه، من وين شريتها وبيش حقها هاذي ؟، وفلوسها منين لقيتهم مش ديمة تقول ما عندكش فلوس ؟ الله يقطع ذوقك مش لو جبتلي شلاكه نضربك بيها خير
اذا تبي شئ منها :
السورية : من عيونى ابن عمى تؤبرنى بتؤمر أمر ابن عمى ولووو ، غالى والطلب رخيص مو على عيني يا عيوني ،..
الليبيه : ماهو حرام نرتاح شوية ، لازم حياتي ديمة تعب ونكد ، ماهو فيش غيرك فى الحوش؟ أنا مش فاضية ، إمشي تحشم على وجهك شوفلك حاجه تلهى فيها ، مرارتي انفقصت خلاص .... اففففف اففففف.
لو طلبت منها فنجان قهوة :
السورية : من عيونى ابن عمى، أحلى فنجان بُن من دياتى يستاهل تمك، وبدياتى راح شرّبك كمان ، تعبك راحة ابن عمي، ما في اغلا منك حبيب ألبي
الليبية : قلتلي تبي قهوة ؟ هووينهم خوتك فى المربوعه برا إتقحطر معاهم، وإلا إمشي لأمك إديرها لك ، عاد توا إنسيب شغلي إللي في إيدي ونديرلك قهوة!؟

(علماً بأنها تهدرز في التلفون في هذا الوقت (
اذا قاللها (تبي شي؟) وهو طالع :
السورية : تسلملى حبيب ألبي ابن عمى ، مابدي غير سلامتك ، مكفينى من كل شئ مو نأصنى شئ ، تسلملى يا روحي ، بس حبيب ألبى ، بدك اعملك شى لمن ترجع؟
الليبية : لأأأأ (طول شواربها شبرين ومِلْويات لين لونهم أزرق) ... ما نبي شي، وين ماشي؟ إن شاء لله ناوي بتقعد واجد وبتخلّيني بروحي زي الهجالة ، .. جيب معاك قطن للولد وإنت جاي واستيكة دحي وكرت ليبيانا وحليب وحكتين تن وجبنة وباكو صابون غسالة ومتنساش والدقيق . (هذا قالت ما تبي شئ )
الذوق والتنويع فى الاكل:
السورية : سلطات، تبولة، فتوش، محاشى، شوربات، كِبه بأنواعها، محمّر، مشمّر، يعني سفرة عامرة من كلّه،
الليبية : لوعندها كل أنواع الخضراوات، والثلاجة مليانة بكل شئ ، ما تطمعش بأكثر من مكرونة ، وإذا كنت محظوظ إديرلك معاها سلاطة .
وطبعا ... شواربها شبرين قدامها ، وتبدأ في الشكوى وحطّان المشاكل فوق الطاولة ، وأول ما تبدأ ... اليوم باش تاخذني لحوش بوي ، وإذا حاولت الإعتراض أو الكلام فسيكون الحديث كالتالي: اليوم جت فواتير الكهرباء والميه، لازم تدفعهم ، (كأنها متشمتة فيك) . واليوم انكسرت إيد الشيشمة إمتع البانيو ، وبعد ما تكمل غداك برا جيب الراجل يصلحها ، ولدك يبي 120 جنيه يشري شكليطة زيه زي الصغار. واشريلي باكو شكلاطة على خاطر بكرة ماشية لجارتنا مباركة على خاطر ولدها نجح

مش كلها الليبيات هكي بس هذا أشوي مزاح أرجو الرد على هذا الموضوعـخوكم على الدوام محمد فتح الله الغيثي

أوه موضوع في غاية الروعة
شكرا لك أخي محمد علي موضوع فوق الرائع

طبعاً مش كل الليبيات. والكثيرات منهن تعاني العادات و التقاليد البالية المخلفة للشرع و الدين و ليست كل السوريات كذلك

ولكن جميلة و مضحكة و أعتقد أن هذا هو الهدف منها

شكراً كثيراً و نتطلع للمزيد

هو الهدف منها مش مهاجمة المرأة الليبية حبينا أنبصرو أشوي وشكرا على مروركم الفرق بين الزوجة الليبية والزوجة السورية 983974

بس علي فكره نكته طويله وبايخه.....
طبعا انا اللي علي قلبي علي كيبوردي..يعني منعرفش انجامل
تقبل مروري ونقدي..

نورتي الموضوع أختي العزيزة ويعجبني رأيك الصريح

اشكرك اخي علي وسع ورحابة صدرك..واكثر الله من امثالك
طبعا الرد كان كدعابه فقط لا غير...
مشكور مره اخري

أن يعجبني الرأي اللي بدون نفاق وشكرا لك أختي رانا

اولك تؤبرني على الموضوع
ههههههههههههههههههههههههههههه
منور منور منور الفرق بين الزوجة الليبية والزوجة السورية 18219

» فوائد الزوجة الــــــــ.............
» كتيب العائلة و المرأة الليبية
» الفرق بين موبايل الشباب والبنات
» صحوة رجالية فى المساجد الليبية ...ولله الحمد
» الفرق بين أكل البنت والولد