الخباثه فى الكليه الهندسه وفيكم انتوا بلذات

السلام عليكم ورحمه الله وبركاته

كيف حال الجميع انشا الله بخير

لى ملاحظه ظاهره فى كلية الهندسه وهى من زمان

ليش لما تسأل شخص ايش درست اليوم ايقولك انا والله ما قريت كان عندى ظرف ووووووو......

ولما أتشوفه فى المحاضرات تلقه يشارك مشاركه القارى وليس كما قال

او لما تسأله بنيه الاطمئنان علبه فى حل الامتحان ايقولك ان والله ما حليت ان كنت مريض او .....او او
واتشوفه فى النتائج تلقاه من الاوائل

والله تلقاه مصلحنجى فى الامتحانات تلقاه مايفارقك بلكل و بعد الامتحانات ولا كأنك تقرى معه ولا كأنك تعرف رقم تيلفونه

ليش الكذب والبلعطه والخباثه.....
ولا فى السهارى انت اتكلمه بنيه طيبه تلقاه نشرها وامحبركها من ورا ظهرك ولما اتواجهه يحطلك طرحت الملائكه ولا كان دار شى....

منيش عارف هل هى مرض ولا خوف من الحسد مع ان الله عز وجل هو الذى يرزق وهو الذى يقول للشى كن فيكون

ايش الاستفاده لما تكذب على او تضحك على او اتمشينى على وجى...وين الفكره

بلكى انديرو كيفهم..اغلبيتكم عندكم اغلب الصفات هذى ..العبد لله عندى عيوب
الكمال لله نعم لكن ليش..

هل هو الخوف .....عامل نفسى

انا ما نحاسب حد لكن.... كل شخص ينام على الجنب الى ايريحه..اتمنى ان اعرف

بس حبيت نعرف وين الفكره من الصفات هذه وين...وبلنسبه للحياه العامه كمدينه طبرق

تلقاه ايصلى يلاك فى يوم الجمعه وهو فاعل فى الليل اشنع المحرمات.. ويقول الله اكبر

تلقاه امام جامع ويحرض ولده على ان يكون ميثالى عشان هو امام وعيب فى وجه ..(كلام الناس)

امور كثيره بصراحه ..الناس دوخونى وياريت كل واحد يعطينى جواب من دون مثاليه او اسلاميه
نبى رأيك الشخصى بخط يدك

(كوبرا)

فى مثل يقول

#ذارى على شمعتك توقد#

ومفيش حد طيب فى الزمان هذا

من جهتى انا لما واحد يسألنى ايش درت فى الامتحان انا انرد عليه لو كنت حال انقولة انشاء الله تمام هذه فكرتى انا
اما بعض الطلبة يقولك محليتش عشان خايف من العين والحسد وهذا معروف عند الجميع
اما بعض عشان لما يجيب درجة ضعيفة ماتقولش قتلى حليت وانك رسبة

ومن الاخير مع تسألهم على الامتحان وفك عليهم واقرا وانجح وبس ..............

(العين حق، ولو كان شيء سابق القدر سبقته العين). رواه مسلم
بين لنا رسولنا الكريم أن العين حق، ودلنا في الوقت نفسه على السبب الواقي منها، وهو اللجوء إلى الله بالاستعاذة والرقية الشرعية.
وكما لا ينبغي أن نتهاون في أمر العين كسبب لحصول الضرر، كذلك لا ينبغي الإغراق في الخوف منه.
فالإعراض عن الأسباب وكذلك الاعتماد عليها، كلاهما مذموم، فينبغي ألا يركن القلب إلا إلى خالق الأسباب ومسبباتها.

اقتباس :: ومن الاخير مع تسألهم على الامتحان وفك عليهم واقرا وانجح وبس ..............

:د3: :د3: :د3:

والله صدقت مالك ومالهم ليش أتعقد في روحك قالك حليت باهي وكان قال ماحليتش حتي هي باهي

يعني من الأخير ما ادوخش روحك أقري وأنجح وفكر في حاجات أهم

مشكورين على رايكم الصريح

كوبرا

لي عوده لكل جزء من كلامك يا كوبرا....في موضوعك الكثير من الفوائد والعبر...ويمكن ان نخلق العديد من المواضيع للنقاش والحوار من كلامك....

لكن قبل ان اعود....

((ان شا الله نا بس مش منهم يا فيتشو...))...ايش رايك فيا ...صريح ولا كذاب..

نبي رايك يا بوالشريف...راك تنسى...

اههههههههههههههههههههههه

انا دائما لما يسالوني اجوابهما علي كل حاجه خالق ارس قاطعه

وانا دائما فضولي اب ان اعرف ماذا صار في الامتحانات

وشكراً والامتحانات جايات عليكم بالسؤل

هدا طبع واحيانا يقولو الطبع يغلب التطبع

اما عن نفسي
جوابي
يكون
علي حسب الشخص الي قدامي
لان في اشخاص لما اتقوله حليت ايتعقد وفي بعض الاحيان يسببلي بعض المشاكل
لكن في اشخاص يفرحوا لما اتقول لهم حليت حتي ولو هو مش حال
وشكرا علي الطرح

» كلية الهندسه طبــــــرق
» ماتت بسسب منتدى الهندسه
» اخبار العالم لحظه بلحظه علي منتديات طلاب الهندسه
» سؤال لطلاب وطالبات كلية الهندسه
» الى(كليه الهندسه,الاصيل,مفتاح وميمى)