حقيقة وهذا حال الخرجين هذه الايام

السلام عليكم ورحمة الله

قيل أن خريجاً جامعياً متفوقاً لم يحظَ بوظيفة في مديرية التربية والتعليم
فبعث قصيدةً إلى مدير التربية يشكو إليه حاله

قائلاً:

خريجُ جامعةٍ ببابكَ واقفٌ ......... يرجو الوظيفة هل لديك وظائفُ

حـرقَ السنينَ دراسة وفلافلاً ..........وإذا تبرجزَ فالطعامُ نواشفُ

تقديرهُ الممتازُ يشكو للورى ........فقرَ الجيوبِ و من قراركَ خائفُ

رد عليه المدير قائلاً :

ليسَ المؤهّلُ يا فتى بشهادةٍ .........غيرُ الوساطةِ كلُّ شيءٍ تالفُ

تقديرُكَ الممتازُ لا يكفي هنا .........إنَّ الحياةَ معارفٌ و مناسب

انقعْ شهادتكَ التي احرزْتَها ....... و اشربْ فإنَّ العلمَ شيءٌ زائفُ

وهذه مشكلة التعيين التي نمر بها هذه الايام

جيت ع الجرح ياامير الظلام
حقيقة وهذا حال الخرجين هذه الايام Kopfschuettel

تحياتي رانا الحزينه

السلام عليكم
قولكم نحمد ربي على اني مزلت نقره
نمزح لاني نحب نتشمت
والله البرك فيكم
نتاسف مرات يعينوكم
بس لكل مشكله حل
الا التعيين في مدينه طبرق (تقلص) او بلاحرى فنشوه كيف ميقولوا المصريه روح ملكشي لزمه

بس كل واحد وله مكانته وان شاء الله يعينوكم

هههههههههههههههههههههههه

عدينا فيها

مشكور يا شاعر على هذه الكلمات

عارف يا رانا انى جيت على الجرح وحتى انا لحقكم ان شاء الله

وشكرا على الرد

شكرا يا نورين على التشجيع

بس هذا حال الخرجين وخاصة فى طبرق

ان شاء يصير خير

خليك فى محلك خيرلك يا a11a

وانا زيك

فعلا والله مشكلة التعيين هذي مشكلة كبيرة
بس اللي متخرجين من الهندسة نوعا ما يلاقو في شغل وخاصة اللي تخصصهم مدني

ان شاء الله الكل يحصل عمل

وشكرا على مرورك ورائيك يا libyan girl

يا أمير الظلام

أنا والحمد لله نشتغل ونقبظ في 325 دينار

ولو أني كيفك مازلت نقرى

المهم تلفقت في المركز الوطني

لاكن على قولت المدير الشاعر

إنَّ الحياةَ معارفٌ و مناسب

والله ربي يكون في عونكم وأنحقكم كلكم متعينين

عارفك يا حفيد الشهداء

بس لازم من الخويط اولا

لان من غير الشى هذا مستحيل تتعيين

وبعدين حتى لو تعينة يحطوك فى مكان مش مستواك ابدا

يعنى بعد هذا كله فى الهندسة والتعب يعينوك فى الامن العام او المركز الوطنى

عليش نقرو من الاول معناها ونتعب

أستفدت من هذا الموضوع شيء مهم جداً

.
.
.

وهو ان أختنا الكريمة رانا وخوي A11A ديما قالبين روسنا قسم المدني أحسن لالا البور أحسن لالا المكيكانيكا أحسن
لالا كذا ......... ولكن للأسف هذه نهاية كل الأقسام

إلا

قسم الإتصالات حقيقة وهذا حال الخرجين هذه الايام Icon_cheers

شوفوا خريجي قسم الإتصالات من طبرق
الحمد لله ولا واحد قاعد في حوشهم كلهم يشتغلوا
وهذا أكبر دليل ان قسم الإتصالات
هو سيد التخصصات الهندسية بطبرق حقيقة وهذا حال الخرجين هذه الايام Icon_queen

ان شاء الله يدوم عليكم الخير يا اتصالات

يا أخي محمد الفاروق والله الواحد ما يتمنالك ألا كل خير

لاكن أنقولك شي

أنت بأذن الله السنة توا أتخرج

وتوا أنشوفوا الشغل الي مقطع بعظة عند الأتصالات

وأنت أكثر واحد عارف أن قسم المدني يتعين قبل ما يتخرج حتى

والكلام هذا كلام خريجين أتصالات وأنت عارف كويس من نقصد...

وأنشاء الله أنشوفك مهندس أد الدنية

لاكن ما تعيش روحك في أحلام وردية

لأنك راح تنصدم بالواقع

ولو كان تبيني أنعددلك أسماء مهندسين أتصالات مرقدين أوهوووو .........

فاضي

على فكرة والله والله والله الأسبوع الي فات وصلني للكلية مهندس أتصالات يشتغل تكسي

هو الشغل مش عيب بس .......... أين الوضائف

وعندي لك سؤال صغير جداً أذا قدرت أتجاوب علية

وريني مهندس مدني واحد بس راقد في حوشهم؟

خليك قنوع
وراك تنصاب بالمرض الي أصعب من الأيدز
جنون العظمة

على فكرة اليوم عندي محاضرة نومريكال

أعتراف من الدكتر حسن بكار أفتتح به المحاضرة

حيث قال.........

طبرق وأي مدينة في العالم معتمدة على المهندس المدني

الموضوع طويل لكن النقطة الأهم في قولة....

(المهندس المدني كتلت جمال متحركة يضع لمساتة الجمالية في كل شئ يلمسة)

وهذا أعتراف من ماجستير أتصالات

أقتنعوا يأتصلالالالالالالالالالالالالالالالات

مشكله كبيره اخي العزيز ولكن يوجد نقطه واريد اطلعه عليكم وهي يوجد من الخرجين يرقدو في حوش ويقولو مفيش شغل دور واتعب بيش تلقا مش تقول مفيش شغال مع خالص تحياتي وتقديري

شكرا يا حفيد الشهداء على الرد وجزاك الله خيراااااا

اقتباس :

أستفدت من هذا الموضوع شيء مهم جداً

.
.
.

وهو ان أختنا الكريمة رانا وخوي A11A ديما قالبين روسنا قسم المدني أحسن لالا البور أحسن لالا المكيكانيكا أحسن
لالا كذا ......... ولكن للأسف هذه نهاية كل الأقسام

صار قالبين راسك يا اتصالات
الحمد لله مش انا اللي جوبت عليك
اخوك حفيد الشهداء واظن انه من نفس قسمك علي حسب فهمي جاوب واجابته مقنعه..
ونبي انضيف حاجه مهمه هي ان صح مفيش تعيين
بس في الشركات ايدور علي المهندسين المدنيين بالبيله علي قولت
استاذ فوزي (يعني هذا الكلام مش من عندي)..لان شي معروف ان افضل قسم هو المدني في جميع انحاء العالم لانه بالفعل شامل وجميع التخصصات داخله وشامله فيه..لان بالفعل ندرسوا في كل حاجه حتي الطقس ..
وبص وشوف المدني بيعمل ايه
مع اني كنت حابه اتخصص هندسة ديكور بس لما درسة الهندسه المدنيه حسيت انها احسن لان من خلالها
تقدر طور نفسك سواء لهندسه العماره او الديكور او الجسور وغيره
وخلي اتصالاتك تنفعل وان شاء الله انشفوك متعين

اقتباس :: وأنت أكثر واحد عارف أن قسم المدني يتعين قبل ما يتخرج حتى

لا نا منيش عارف المعلومة أنا معلوماتي عكس هكي !!

اقتباس :: والكلام هذا كلام خريجين أتصالات وأنت عارف كويس من نقصد...

سبحان الله ،، أنت أتقولي أنا عارف من نقصد وأنا أكثر واحد عرف وانا كذا وكذ ...

مع أني والله ماني عارف علي من تحكي وعلي ايش تحكي

أنا اللي عارفه شيء واحد فقط أني كنت ندرس في قسم المدني وقعدت فيه فترة
لكن لما تلقيت مع أصحاب لي متخرجين من قسم المدني غيرت رآيي وانتقلت لقسم الكهرباء

اقتباس :: ولو كان تبيني أنعددلك أسماء مهندسين أتصالات مرقدين أوهوووو .........

ياريت تذكرلي والله لإني ما نعرفش حد موش متعين،،،

اقتباس :: وريني مهندس مدني واحد بس راقد في حوشهم؟

كيف ما ذكرت في كلامي سابقاً أنا نعرف ناس متخرجين من قسم المدني
منهم وليس علي سبيل الحصر

محمد عاطف و محمد كامل

وهم الأثنين متحصلين علي تقدير عام جيد وهم الأثنين ماسكين محلات الأول محل مواد غذائي في المنارة والثاني محل خضرة في الجبيلة الشرقية

وجاهم عرض عمل بمدرسة السابع من إبريل بمعاش قدره 150 دينار تخيل 150 دينار في الشهر
بالنسبه لمحمد عاطف رفض أما محمد كامل وافق وتوا قاعد يقري في 7 ابريل تقدر تمشيله وتسأله

اقتباس :: مشكله كبيره اخي العزيز ولكن يوجد نقطه واريد اطلعه عليكم وهي
يوجد من الخرجين يرقدو في حوش ويقولو مفيش شغل دور واتعب بيش تلقا مش تقول
مفيش شغال مع خالص تحياتي وتقديري

كلام جميل جداً،،، وقال كل اللي كنت نبي انقوله فشكراً لك

اقتباس :: اخوك حفيد الشهداء واظن انه من نفس قسمك علي حسب فهمي جاوب واجابته مقنعه.

معقولة واحد في قسم الإتصالات يدافع عن المدني مستحــــــــيل

أختي رانا معلومتك غير صحيحة أخي حفيد الشهداء من قسم المدني وهو من أكثر الناس تعصباً لقسمه
عشان هكي أنا عاذره لما رد علي تعليقي بموشحتيــــــــن طوااااااااااااااااااااااال

اقتباس :: لان شي معروف ان افضل قسم هو المدني في جميع انحاء العالم

كلمك صحيح لو حكينا علي بصفه عامه فحيكون قسم المدني هو الأول في العالم

وعشان هكي أنا دخلته وهو كان حلمي من أنا صغير ومواد المدني كنت متفوق فيهن

لكن " وتجنباً باإنصدام بالواقع " كما ذكر أخي حفيد الشهداء ذهبت إلي حوالي 35 مهندس في

تخصصات مختلفة فكانت أكثر نصيحة هي ان أدخل قسم الكهرباء

اقتباس :: وخلي اتصالاتك تنفعل وان شاء الله انشفوك متعين

أخي الزعيم الليبي جاوب هذا السؤال عني

أولاً أود شكر

حقيقة وهذا حال الخرجين هذه الايام Icon_king

أمير الظلام........... ورانا حقيقة وهذا حال الخرجين هذه الايام Icon_queen

على المؤازرة

مشكوووووووووووووورين

وإلى الأمام يا مدني

أما محمد الفاروق فأنا أقول لة ,أي موشحات بالنسبة للأسفار (يعني كتب كبيرة) الي تكتب فيها

وعلى فكرة لو تراجع ردودك ستجد نفسك ترد على فقرات وتتجنب في فقرات

ليش..................؟؟؟؟؟؟

الجواب سهل لاكن سأتركك تجاب على نفسك بنفسك لكي لا تحرج نفسك

على فكرة عندك علم أني دارس علم نفس..... تخصص لذيذ لاكن موش مفيد

يعني قدرت تهكمك ,الموضوع خرج عن نطاق التخصص والوظيفة

بالمختصر المفيد ردك يوحي على وجهك وأنت تكتب

المهم نحنا الهدف من المنتدى زيادة المعلومات وخلق الجو الأسري بين الطلبة

أما بالنسبة للقسم الأفضل وموضوع التعيين

فأعتقد أن الأجابة النهائية لقفل الموضوع

إن غداً لناظرة قريب

مشكورين ياشباب على النقاش القوى وارجو ان لايسبب هذا النقاش اى مشكلا بين الاعضاء فنحن اخوا

ما شا الله...

شدني وجود الأعضاء كلهم هنا...وتفاعلهم في موضوع ايجابي....وتمنيت لو أدركت النقاش معكم في بداياته...لكن...

أن تصل متأخرا خير من لا تصل ابدا...

وانقوللكم...أنا متخرج من قسم الميكانيكا....والحمد لله...ما فيش صعوبات في موضوع التعيين..بالعكس ..

تعددت الظباء على خراش....فما يدري خراش ما يصيد!!!!!!

بس حاليا أهم شيء الخدمة الوطنية....بكل بساطة يقولولك...هذي أهم من شهادتك!!!!

وانحب انقول ان مستقبل خريجي الهندسة في هذا العام....واعد...وأكيد مشوار الالف ميل يبدا بخطوة...

ربي يوفقنا أجمعين للخير والصلاح...

وانقوللكم أبشروا وما تشيلوش هم...المهم التفوق والنجاح والتخرج...وبعد توفيق الله ...كل الأمور ميسرة ولله الحمد..

كونوا بخير....لأكون كذالك..

سهم الليل مر من هنا

يعمى يا أمير الظلام ..
أنما الرزق على الله....................
كنك....
.مع سلامى لك ياأيها الغالى ...

(كورا)

» كلمات من دفاتر الايام .. !
» ماذا سيبقي منا في يوم من الايام
» ماهي حقيقة الحب ؟
» تدور الايام ويبقى حلو الكلام
» ~¤¦¦§¦¦¤~ حقيقة توم وجيري .. بالصور .. تدمير للعقيدة الإسلامية !! ~¤¦¦§¦¦¤~ >