كراسي الاعتراف

والله سامحني مريتش السؤال الخامس ولا تزعل توا انجاوبو عليه يالشلوي

س5: ما هي أجمل مدينة رأيتها في حياتك؟
اجمل مدينه في ليبيا مشيتلها هيا مصراته

السلام عليكم
عارفك ما تديرها, استلم الباقي:
س1: ماذا يكره بوبكر؟
س2: ماذا يحب؟
س3: ما أغرب موقف حصل معك؟
س4: ما أحسن سيارة قدتها؟
س5: اذا كان لديك ثلاث أماني; ماذا ستتمنى؟
سامحني كان ثقلت عليك. كراسي الاعتراف - صفحة 4 157229

تاخذ سوك خسارة البرشا

كن في الانتظار يا بوبكر بس توا انا نصفح وانا نحسانه

مش حنطول عليك

س1: ماذا يكره بوبكر؟

أكره المجاملاااات الزايده ..
أكره الصداقه المؤقته .. المزيفه .. القائمه على المصلحه ..
أكره الظلـــم ..
أكره عدم الأهتمام بمشاعر وأحاسيس الناس ..
أكره التجريح بدون سبب ..

س2: ماذا يحب؟

احب من الدنيا العمل الصادق , وعدم الظلم

س3: ما أغرب موقف حصل معك؟

اغرب موقف حصل معاي لما كنت مسافر انا وصحابي ماشين مصراته وزرق علينا كلب وكانت سرعتي للسياره حوالي180 الي 190 نجانا الله لكن السياره انكسر فيها البركوربي من قدام لكن كان موقف صعب والله قبل الا انقلبت السياره ورحنا فيها

س4: ما أحسن سيارة قدتها؟

باسات موديل2009 + تويوتا كامري اخر موديل

س5: اذا كان لديك ثلاث أماني; ماذا ستتمنى؟

1- ان اتخرج من الجامعه
2- ان ارى الشخص الذي كنت انتظره بعد طول انتظار
3- انودي بوي وامي للحج على بيت الله

دهشتنا من الاسئله لكن اي خدمة يالشلوي
تحياتي مستر بيكر

بوبكر كتب:: :عــنــدي أسـئـلـه لـكـي يـابـوـبـكـر:
مش حنجاوب علي اسئلتك كيف تجي هذي عندي لكي اسئله يابوبكر
سلام يا كول وبدون زعل

كيف مش حتجاوب انا شن درتلك اوكي بس نا مش دايرا حاجا وكان دايره اسفه

اوكي شكرا بس شن كيف تجي عندي لكي اسئله يا بوبكر عادي قلتها بس انت مش عارفا كيف فسرتها لكن اوكي شكرا وانا عادي ماكان قصدي بيها شي بس قولها انك ماتبي تجاوب عادي ولا سلام ولا شي بصراحه زعلت

س1: ماذا يكره بوبكر؟

أكره المجاملاااات الزايده ..
أكره الصداقه المؤقته .. المزيفه .. القائمه على المصلحه ..
أكره الظلـــم ..
أكره عدم الأهتمام بمشاعر وأحاسيس الناس ..
أكره التجريح بدون سبب ..

سؤال مني لك يا صديقي بوبكر
ليش امعاش تميت تقرأ في الجزئي شنو السبب يا بوبكر وجاوب بصراحة ؟

مساء الخير

نحيي أخي الفاضل بوبكر على مجهوداته الكبيره في المنتدى
فمن أعماق أعماق القلب نقول له " شكـــراً "
ومرحبا بيك يا ((بوبكر)) ونورت الكرسي

اسئلة عامه

س1 : من هوبوبكر؟

س2 : ماذا تعني لك ليبيا بحكم إقامتك فيها ؟

س3 : كيف تنظر لمستقبل منتدي طلاب الهندسه في ظل إداره ؟
أسئله نوعيه .

س1 : متى يبكي بوبكر؟

س2 : ماذا تفعل عندما يكون الشخص الوحيد الذي بامكانه
ان يجعلك تكف عن البكاء هو نفسه ُ الذي أبكاك ؟

س3 : إن أتيحت لكـ يوما فرصة بان تخاطب الناس في ساحة عامه..
فماذا سيكون محور كلامك؟؟

س4 :-عندما أتصفح بعض المنتديات وأقرأ لأعضائها ينتابني شعور أننا في مجتمع ملائكي،الكل يحث على الفضيله ومكارم الأخلاق،بينما إذا تجولت في الأسواق والمنتزهات اشاهد حقيقة هذا المجتمع الذي نعيش فيه،
فلماذا برأيك هذا التناقض الفصامي الذي يعيشه الكثيرين منا؟؟

اسئله محرجه نوعاً ما .

س1 : هل تملك الجرأه فتتطلع شريكة حياتك في المستقبل
عن مشاركاتك في المنتديات ؟

س2 : كم بنت بصراحه دقة باب قلبك إلى الآن ؟ ههههه

س3 : كم وزنك ؟

س4 : ماذا تقول لى المنتدي؟

الله يرحمك يا بوبكر اسئلة من الاخر وانشاءالله ياربي تجاوب بصراحة وانا منتظر بكل صبر الاجوبة ههههه

محمد الغرياني كتب :سؤال مني لك يا صديقي بوبكر
ليش امعاش تميت تقرأ في الجزئي شنو السبب يا بوبكر وجاوب بصراحة ؟
السبب هو انتا عارفه يامحمد وعارفه كويس لكن منقدرش بصراحه انجاوب عليه لان سؤال صعب ويبي واحد جريئ وقوي بيش يجاوب عليه

لنا عوده علي هذا الكرسي للاجابه علي باقي الاسئله
وخاصه اسئلة تركيا المحرجه

ساعة نعرفوه يوم من الايام يابكر

سلام يا بكر

عندي لك سؤالين ونتمناك اتجاوبهن ليا :

1- شن اكثر شي تتمني انه ايصير في حياتك وعلي طول شاغل تفكيرك علي جميع الاصعدة ؟

2- من اكثر شخصية تاثرت بيها وحسيت انها غيرت فيك واجد في الكلية من دكاترة او حتي طلية؟

ان شاء الله تكون اسئلة خفيفة عليك

تقبل مروري اختك ليدي .........

السلام عليكــم ورحمـة الله وبركاتــة

مســاء الخير للجميع هُنــا وعذراً لتأخري

بسم أللـــه نبدأ بعون ألله

اسئلة عامه

س1 : من هوبوبكر؟

بوبكر يدرس في كليه الهندسه طبرق قسم الهندسه المدنية وهو رهين لتلك العيون التي سحر بحبها

س2 : ماذا تعني لك ليبيا بحكم إقامتك فيها ؟

بصراحه ليبيا تعني ليا الكثير تعني ليا كل شيء يكفيني فخرا بأنها فاتحه ذراعيها لكل المتغربين عن اهلهم
فا ليبيا هيا العزه والشموخ والفخر والانتماء باللون الاخضر بين الدول
تحياتى ليبي وأفتخر

س3 : كيف تنظر لمستقبل منتدي طلاب الهندسه في ظل إداره؟

نعم انظر وأرى لمستقبل رائع وزاهر لهذا المنتدي في ظل هذه الاداره الرائعه والراقيه وباداره المدير العام البرنس امير ليبيا وجميع المشرفين والاعظاء والنائبين عن المدير

اختي الكريمة تركيا بلاش من الاحلام والنظر في مستقبل هذا المنتدي خليك في الواقع الحالي احسن في ظل عهد المدير الحالي البرنس

- شن اكثر شي تتمني انه ايصير في حياتك وعلي طول شاغل تفكيرك علي جميع الاصعدة ؟

انتمنى شيء واحد انا اللي كان اعز انسان على قلبي في الكليه

ينسى الشي اللي نا قلته له

ونتي عارفه يالليدي كويس من يكون هذا الشخص .......

2 - من اكثر شخصية تاثرت بيها وحسيت انها غيرت فيك واجد في الكلية من دكاترة او حتي طلبة؟

لكل منا أشياء معينة خاصة قد يكون تأثر بها او من خلالها قد غير شي ما في حياته وجعلها للافضل .

ممكن الاجابه علي هذا السؤال تكون شخصية بعض الشيء اختنا الليدي فتقبلي عدم اجابتي علي سؤالك هذا بكل ود

واحترام

اسئله خفيفة لكن صعبة بعض الشيء في الاجابه مشكوره علي طرحك لهذه الاسئلة

مشكور ميستر بكر على اجوبه بس في اسئله انت ما جوبت عليها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أسئله نوعيه .

س1 : متى يبكي بوبكر؟

س2 : ماذا تفعل عندما يكون الشخص الوحيد الذي بامكانه
ان يجعلك تكف عن البكاء هو نفسه ُ الذي أبكاك ؟

س3 : إن أتيحت لكـ يوما فرصة بان تخاطب الناس في ساحة عامه..
فماذا سيكون محور كلامك؟؟

س4 :-عندما أتصفح بعض المنتديات وأقرأ لأعضائها ينتابني شعور أننا في مجتمع ملائكي،الكل يحث على الفضيله ومكارم الأخلاق،بينما إذا تجولت في الأسواق والمنتزهات اشاهد حقيقة هذا المجتمع الذي نعيش فيه،
فلماذا برأيك هذا التناقض الفصامي الذي يعيشه الكثيرين منا؟؟

اسئله محرجه نوعاً ما .

س1 : هل تملك الجرأه فتتطلع شريكة حياتك في المستقبل
عن مشاركاتك في المنتديات ؟

س2 : كم بنت بصراحه دقة باب قلبك إلى الآن ؟ ههههه

س3 : كم وزنك ؟

س4 : ماذا تقول لى المنتدي؟

عادي تجاوب علي اسئلتي القديمه

شن رايكم نعفسو علي عضو جديد نعطوه اسئله
يلا نبدو في تصويت

انا نختار الشلوي

وانا ننتخب الشلوي

ياسلام نصرى
انا نختار سعد

هيا نبو صوت واحد بس لشلوي وبعدين نزروووووه كراسي الاعتراف - صفحة 4 644986