ميمي وراء القضبان((تم اعتقال ميمي))....

وين يا شباب
شردتو لبنيه
حلو عنها
دوختوها بلأسئله

اقتباس :: وصامته
ديدي ( في رسوم دكستر )

حرام عليك ديدي مش شوري بكل مافيش اي تشابه

المهم جاوبي :

6- من اكثر عضو في المنتدى تخافي يكتشف شخصيتك الحقيقة ؟
7- شنو نوع الرياضة اللي تحبي تمارسيها ؟
8- اكتبيلي اي حرف من اسمك الثلاثي ومش شرط الاسم الاول بتاعك ؟
9- اختاريلي شخصية كارتونية اخرى غير ديدي عشان حاستك ظالمتني ؟
10- اختاري 8 من الاعضاء واعطي لكل واحد منهم نصيحة ؟

مزالي خمسة جاوبي هذينا ولي عودة

يامفتاح دورت على اسالتك لكن مش قاعدات كيف صار شكلك تخرط علينا ولا كاتبهن في مذكراتك

قط العدالة مر من هنا

ما هو شعورك عند انقطاع الكهرباء عن المنزل
عادي جو خطير

ما رأيك في كلية الهندسة؟
عضو عادي كيف ها الاعضاء

ما هو موبايل النوكيا الذي تحلمين بإقتنائه؟
بيلة ون

وهذينا اجوبتك يا حاسي
قط العدالة مر من هنا

- من اكثر عضو في المنتدى تخافي يكتشف شخصيتك الحقيقة ؟

كل الاعضاء بصراحة
7- شنو نوع الرياضة اللي تحبي تمارسيها ؟
رياضة النوم

8- اكتبيلي اي حرف من اسمك الثلاثي ومش شرط الاسم الاول بتاعك ؟
حرف الصقع عليك يا بيلة

9- اختاريلي شخصية كارتونية اخرى غير ديدي عشان حاستك ظالمتني ؟
انتي اطولي تقعدي ديدي اصلا بنت امورة طويلة حبوبة
بس انتي حرة اخترتلك سريعة اللي في بسيط ( غير راكي اتقولي رديلي ديدي )

10- اختاري 8 من الاعضاء واعطي لكل واحد منهم نصيحة ؟
انا منصحت روحي تبيني ننصح الاعضاء ومكثرثهم اخري مع هكي مش هنزعلك يا شطورة

البيلة الصامتة : خليك نغمة مرتفعة احسن

شيشة الراني : خوذي نفس عميق وروقي قبل متكتبي عشان صحتك بس

مفتاح اطناش : خف علي رانا

شرشبيل : خليك علي طبيعتك احسن

الحاسي : خفف سكنان شوي

كلية الهندسة : خليك جرئ اكثر

محمد الفاروق : خليك زي ما انت

طبرقي واقتخر : خليك ديما مفتخر

نشفتي ريقي يا صامت الله يهديك

قط العدالة مر من هنا

اقتباس :

طبرقي واقتخر : خليك ديما مفتخر

نا ديما مفتخر بمنتدى
لأنك أنت فيه

الى المتهمة ميمي اجاباتك غير مقنعة بتاتا

واطلب من اصحاب الشأن ان ينفذوا حكم الاعدام على المتهمة المماطلة ميمي

رفعت الجلسة

يريت يا الحرباوي

يعدموها

بس تعوزنا في المنتدى نقعدو ديما مكشرين

والله ما نستغنو عنها الجالط

خليها ديرلنا جو

بالنسبة لي انا فقد انهيت اسئلتي...يا ميمي...وشفيت غليلي...وقمحت فضولي...نوعا ما....لكنك لا زلت تحملين الكثير من الغموض بين حناياك..كوني بخير

واعتذر...لو كنت ثقيلا او مملا في اسئلتي....

ساصنع لك مكيدة جديدة غير هذه...لا تقلقي؟؟

سهم الامتنان مر من هنا

للرفع

11.عطيني سبب حبك العميق للرسوم؟؟
12.عندك صديقات في الكليه ؟وكم صديقه؟
13.في اي قسم انتي وفي اي سنه؟
14.اول ما خشيتي المنتدي اكثر عضو لفت انتباهك وحبه تتعرفي عليه اكثر؟
15.بما انا اخر سوال: يعني انخلي السوال تساليه الروحك وتجاوبي عليه .يمكن اتكون اتمني ان يسال لكي هذا السوال
وكوني بخير حتي نكون المنتدي بالف خير.

ميمي شكلها هاربه من القفص

اولا : مبروك عليكم يا a11a و يا كلية الصور الجديدة تبوزو عاد تفشيك
.عطيني سبب حبك العميق للرسوم؟؟
اصلة الحاجة الوحيد الحلوة خيرلك من المسلسلات والقطاف الفارغ تبعيهن خيرلك
12.عندك صديقات في الكليه ؟وكم صديقه؟
اكيد عندي _ والبنات كلهن صديقاتي
13.في اي قسم انتي وفي اي سنه؟
متعبتوش وانتو تسالو فيه السؤال هذا خلاص جواب نهائي مش قايلة
14.اول ما خشيتي المنتدي اكثر عضو لفت انتباهك وحبه تتعرفي عليه اكثر؟
اكثر عضو اثار استفزازي وعشان الاسم بس رانا
15.بما انا اخر سوال: يعني انخلي السوال تساليه الروحك وتجاوبي عليه .يمكن اتكون اتمني ان يسال لكي هذا السوال
من وين جايبة خفت الدم هذي كلها يا ميمي وربي يحفظك

وجوابي علي هذا السؤال : كونو زي ما انتو بدون تصنع ( جو تفشيك الفنانين بعد ينسالو )
وكمات اسئلتك وكل سنة وانتو طيبين
قط العدالة مر من هنا

وين القاضي

احكم عليها بالاعدام يا باشا

اجوبتها ليست صريحة

لالالالالالالالالالالا
حرام عليكم
تعدموها
عطوها فرصه

بلكي تو تفكنا من اللف و الدوران

» تم اعتقال الانسة رانا !!! وهي الآن خلف القضبان
» تصيويت لقفص الاتهام....متهم آخر وراء القضبان
» سهم الاعتقال رهن الاعتقال (( سهم الليل وراء القضبان ))
» تصويت للقفص الجديد.....متهم جديد خلف القضبان...